Urrezko garaipena lortu zuen emakumezkoen lehen taldeak Santurtzin, baja ugariek baldintzatutako partida batean eta euriagatik egoera onean ez zegoen zelai batekin.
Hala ere, Moralesen taldea ondo hasi zen, asmatu ezin izan genuen jokaldi bikain batekin. Hortik aurrera, une batzuetan gaindituak izan ginen, soropilaren egoera zela-eta guk nahi genuen jokoa egiteko gai ez ginelako. 41. minutuan, River eta Udaneren presio on batek lapurreta bat ekarri zuen, ondoren, Anek erdiraketa chut bat egin eta baloia santurtziarren atean sartu zen. Hala, atsedenaldira 0-1ekoarekin iritsi ginen.
Bigarren zatian, talde urdinak defentsa lan erraldoia egin zuen eta etxekoek ia ez zuten aukerarik sortzen utzi. Egitura sendoa izan zen eta ia ez zuen aukerarik eman Ipinzak defendatutako atea zulatzeko. Gainera, erasoko atalean, trantsizio arriskutsuen bidez batez ere, taldeak errenta handitzeko aukerak izan zituen. Azkenean, 0-1 oso ospatua.
Taldearen garaipen izugarria, beste behin ezbehar guztiak berregin zituena eta zelai zail batean urrezko garaipena lortu ahal izan zuena gauzak oso zail jarri zituen aurkari baten aurka. Hurrengo erronka, larunbatean 15:30etan Bizkeneskaken aurka, etxean garaipena lortu eta sailkapeneko goiko postuetan jarraitzeko helburu irmoarekin.
