Pasaia K.E. 0 – 4 Gorengoen Maila
Jesus Mari Zamora zelaian jokatutako neurketan, Gurru-ren taldeak hasieratik erakutsi zuen
baloiaren kontrola eta erasorako anbizioa. Talde lan bikainari esker, aukera ugari sortu eta
partidaren erritmoa une oro kontrolpean izan zuten. Golei dagokienez, Laiak, Naiak eta Ainhoak
ate aurrean asmatu zuten markagailua emaitza handia utziaz. Hiru puntu oso garrantzitsu, joko
onaren, seriotasunaren eta talde izaeraren erakusgarri izan den garaipen batean. Sailkapenean
bigarren postuan gaude liderrak apenas bi puntu ateratzen dizkigularik. Hurrengo erronkaren bila
goaz.
Kadeteen Ohorezko Maila 3 – 2 Lagun Onak C.D.
Kadeteen Ohorezko Mailako partida norgehiagokan, Antiguoko K.E.k beste garaipen garrantzitsu
bat eskuratu zuen etxean, Lagun Onak C.D.ren aurka 3 eta 2 nagusituta. Partida oso ondo hasi
zuten etxekoek, joko sendo eta erasokor bati esker 2-0eko abantaila lortuz. Aurkariak aldea
murriztea lortu bazuen ere, taldeak erantzun bikaina eman zuen 3-1ekoa markagailura eramanez.
Azken minutuetan emozioa nagusitu zen, Lagun Onakek 3-2koa egin eta neurketa estutuz.
Taldea fase honetako liderra da eta gertuago du lehen postuan amaitzeko helburua eta erronka.
Lan bikaina benetan.
Santo Tomas Lizeoa K.E 1 – 2 Lehen Maila Kadetea
Berioko derbia partida oso lehiatu eta emozioz betean, taldeak garaipen landua eta meritu
handikoa lortu zuen, hasieratik amaierara intentsitate handiz lehiatzen jakin baitzuen, eta beste
behin ere bere izaera erakutsi baitzuen, bi taldeentzat aukeraz eta egoeraz beteriko neurketan.
Udaneren eta Nerearen golekin, Cotiren neskek garaipen oso garrantzitsua eskuratu zuten,
lanari, nortasunari eta talde espirituari esker. Horrela, talde urdinak derbi oso lehiatua bereganatu
eta balio handiko hiru puntu batu zituen.
Lan bikaina, neskak!
Martutene K.E. 3 – 1 Infantila F-11
Geure Infantila f-11 modalitateko neskek ez zioten inoiz partidari bizkarra eman, eta emaitza
aurka izan arren, azken unera arte borrokan jarraitu zuten, jokoan eta jarreran talde honen balioak
argi utziz. Horrelako neurketek ere hazten laguntzen dute, akatsetatik ikasten, indarguneak
sendotzen eta hurrengo erronkei are prestatuago heltzen.
Denboraldiak aurrera jarraitzen du, eta Manex-en talde honek dagoeneko erakutsi du lanarekin,
ilusioarekin eta elkartasunarekin edozein oztopo gainditzeko gai dela. Burua gora, jarraitu lanean
eta sinesten, bide onetik goaz eta.
Añorga KKE 0 – 3 Infantila F-8
Garaipen bikaina Infantil F8 taldearentzat; lehen postua ziurtatu eta final handirako txartela
eskuratu du, bi jardunaldi falta direnean. Partida oso bizia izan zen, non aurkariak oso
eraginkorrak izan ziren geldikako jokaldietan, baina taldeak zailtasunetara egokitzeko gaitasuna
erakutsi zuen. Baloiaren jabe izaten saiatuz, Irenek lehen zatiko azken uneetan sartu zuen gola.
Alde txiki horrekin, taldea gero eta erosoago sentitzen hasi zen, etengabe defendatzen aritu
arren. Ahaleginaren eta etengabeko saiakeraren ondorioz iritsi ziren Sararen eta Valentinaren
golak. Atean hutsean utzita zelai zail batean, eta hiru puntu eskuratuta, lehen postua bermatu
dute bi jardunaldi falta direnean.
