Antiguokoko gizonezkoen taldeek dinamika onean jarraitu nahi dute hasi berri den urrian ere. Maila ezberdinetan hasiera oso positiboa izan ondoren, asteburu honetan erronka zirraragarriz betetako jardunaldi berri bat dator gure talde guztientzat.
Barakaldo – Gazte Nazionala
Mardaren taldeak ez du partidarik galdu eta orain San Vicenteko instalazioak bisitatu behar ditu Barakaldoren aurka jokatzeko. Hiru partidatan bost puntu lortu ondoren, helburua etxetik kanpo lehen garaipena lortzea da, oraindik garaipenik lortu ez duen Barakaldoren aurka.
Partida igandean 11.00etan San Vicente futbol zelaian.
Euskal Jubenila – Deustu
Dinamika desberdinak dituzten bi talderen arteko partida. Julenek zuzentzen duen taldeak 5 puntu ditu, eta kanpoko taldeak, berriz, 3: debutean irabazi zuen, baina hurrengo bi jardunaldietan galdu egin du. Joan den astean garaipenak ihes egin zuen Beasainen azken minutuetan, eta asteburu honetan Berion garaipena lortzea da helburua. Taldea benetan ondo ari da lanean eta hori berme bat da.
Partida igandean 15:50ean Berioko instalazioetan.
Kostkas – Euskal Kadetea
Iraolaren taldeak ere galdu gabe jarraitzen du, 7 punturekin, etxean bi partidak irabazi eta Araban berdindu ondoren. Orain Euskal Kadete Mailako derbi klasikoa jokatuko da Matigoxotegin. Kostkasek hiru partidak galdu ditu, eta denboraldiko lehen puntuak lortzen saiatuko da.
Partida igandean 12:00etan Matigoxotegi futbol zelaian.
Ohorezko Kadetea – Igeltegi
Kadete mailako lehen urtearentzat beste derbi bat, kasu honetan Berion Igeltegiren aurka. Hasiera bikaina izan du Gazpioren taldeak, jokatutako bi partidak irabazi baititu. Bestalde, Igeltegik berdinketa bat lortu du orain arte, Martutenen aurka. Dinamika onarekin jarraitzera.
Partida igandean 10:30etan Berioko instalazioetan.
Infantil Handi – Touring
Lehen jardunaldiko berdinketaren ostean, Beldaren taldeak denboraldiko lehen garaipena lortu nahi du etxean Touringen aurka. Talde errenteriarrak ezin izan zuen Vasconia gainditu aurreko jardunaldian, eta beraz, bi taldeek lehen garaipena lortzeko helburuarekin zelairatuko dira.
Partida larunbatean 12:10ean Berioko instalazioetan.
Touring – Infantil Txiki
Denboraldi hasiera bikainaren ondoren, Uritzen taldeari lehen irteera egokitzen zaio. Touringen aurka izango da, baina kasu honetan etxetik kanpo. Aurreko jardunaldian atseden hartu zuen etxeko taldearen debuta izango da.
Partida larunbatean 10:25ean Fanderia futbol zelaian.
