Aurten ere, Antiguoko K.E. Danborradako gure kideak gero eta gertuago dagoen eta auzotarrentzat hain berezia den egunerako prestakizunetan murgilduta daude.
Ohi denez, Errotatxo plazan dagoen klubaren egoitza sozialean, auzoaren bihotzean, dagoeneko ondo egokituta dago egun handirako Izan ere, lan, maitasun, lan eta esfortzu handia egiten dute batzordekideek, eta izugarri eskertzen diegu beren lan goresgarria.
Gaur egun, Antiguoko K.E.ko danborradak 160 parte-hartzaile inguru ditu hiriko egun handian, eta azpimarratzekoa da urtero auzoko pertsona edo erakundeak omentzen direla, auzoaren alde egindako lanagatik edo Antigua izena zabaltzeagatik. Aurten, omenaldia ASPACErentzat izango da. Irabazi-asmorik gabeko erakundea da, garun-paralisia duten pertsonen eta haien familien bizi-kalitatea hobetzeko misioagatik aski ezaguna. Horretarako, haien eskubideak defendatu, familiei lagundu, elkartutako erakundeei zerbitzuak eman eta erakundeen arteko lankidetza bultzatzen du.
Zalantzarik gabe, Antiguoko K.E. Danborradak balio berezia eman nahi dio bizi-kalitatea hobetzeko, gizarteratzeko eta garun-paralisia duten pertsonen eskubideak defendatzeko funtsezko zeregina betetzen duen beharrezko erakunde garrantzitsu honi. Plazer handia izango da zuen ibilbide eta etengabeko lanagatik omentzea.
Kanal hauetatik urtarrilaren 20an Benta Berriko plazan egingo den omenaldi berezi honen berri ematen jarraituko dugu.
Ordura arte, entseatzen eta motorrak berotzen jarraitu.
ERREDOBLE ETA UPELAK ENTZUTEN DIRA KLUBEAN.
