Behin lehen taldeko partidaren nondik norakoak kontatuta, jardunaldiaren gainerako partidekin goaz, hiru partida benetan interesgarri utzi baitizkigu, benetan garrantzitsuak diren beste hainbeste garaipen lortzearekin batera. Hau da asteburuak utzi diguna.
KADETE LEHEN MAILA 3 – 1 CD HERNANI
Partida txukuna izan zen Cotiren taldeak egin zuena CD Hernaniren aurkakoa, berdeak ausarta izan baitziren goian estutzen eta arriskua sortu baitzigun jokaldi on batzuetan. Egoera horretan egon arren, taldeak aurrea hartu ahal izan zuen markagailuan 2 – 0, Nora eta Luciaren golei esker, atsedenaldira joan aurretik, partidaren uneen kontrol garrantzitsua edukita. Bigarren zatian jokoari berriro ekin ziotenean, geure jokalariak benetan ondo irten ziren berdegunera eta gol aukera bat baino gehiago egin genituen partida ixteko, berdeek oraindik aukeraren bat izan zezaten. Hala ere, Norak hainbeste irrikatutako gola sartu eta 3-0ekoa ezarri zuen markagailuan. Une horretatik aurrera partida deskontrolatu egin zen eta etengabeko joan-etorria izan zen, non hernaniarrek gol bat sartu zuten penaltiz. Hiru puntu on eta aurrera.
ZARAUTZ K.E. 0 – 4 INFANTILA F – 11
Garaipena eta lidergoa Maialen eta Oihaneren taldearentzat Asti – Txikin, Zarautz K.E.ri emaitza erosoa erdietsita irabazi ondoren,, txapelketa fase honen hasiera bikaina berretsiz. Egia esan, kostaldeko taldea baino gehiago izan ginen eta merezimendu osoz sailkapenaren gorenera batzen gaituzten hiru puntu eskuratu genituen, denboraldiko lehen tarte honetan gure ibilbide bikaina berretsiz. Taldea ondo dago eta txapelketako eta saioetako inpresioak bikainak izaten ari dira. Segi horrela, ekipazo.
INTXAURDI K.E. 1 – 2 INFANTILA F – 8
Partida bikaina jokatu eta meritu handiko garaipena lortu zen Cesar Benitoren zelaian larunbat goizean jokatutako derbian. Oso neurketa estua, aurreikusi bezala, eta geureentzako izan zen amaierako saria txapelketako faseko lehen jardunaldiari amaiera emateko. Futbol 8 infantil taldearentzat estreinaldi egokia, etengabeko hobekuntzako helburuak lortuz eta herriko txapelketan ere maila onean agertuz. Hurrengo konpromisoa Añorga Kultur eta Kirol Elkarteko zementeren aurkakoa izanen da.
