Emakumezkoen egiturako taldeentzako atarikoa prest ditugu jada, talde guzti-guztientzako partidak jokatuko ditugularik, asteburu zirraragarri eta eder batean gure kirolari gazteentzat. Goazen, bada.
ESKUALDEKO OHOREZKO MAILA
Lehen mailako eta punta puntako derbia gure lehen taldearentzat. Egia esatearren kluba eta zaletuak ilusionatzen ari da denboraldiko lehen tarte honetan taldea eta horretan jarraitu nahiko lukete. Konfiantzaz beteta eta eguneroko lanean murgilduta, taldea erabat jabetzen da jokoan dauden puntu guztien garrantziaz, sailkapenaren goiko aldean egoteko ezinbesteko baldintza dena. Garmendipe azpeitiarren zelaian lortutako garaipenarekin pozik, igandean Berioko gure instalazioetan jokatuko dugun derbi zirraragarrian hiru puntu batzea da helburua. Intxaurdi K.E. seigarren postuan doa eta etxean lortutako garaipen argi batetik dator, eta benetan lehiatsua aurreikusten den partida batean, animatu dezagun gure taldea puntu pilatzeko helburuarekin liderren arrastoa hurbiletik jarraitzeko. Aupa Antiguoko K.E.!
Partida igandean 17: 40etan Berioko instalazioetan.
OHOREZKO KADETE MAILA
Gurruren taldeak etxeko gisa jokatzen du berriro, baina oraingoan Zarautz K.E. eta Berioko instalazioetan bigarren garaipena jarraian lortzen saiatzeko. Zalantzarik gabe, neurketa on bat egin beharko dugu lehen fase gogor honetako azken-aurreko jardunaldian puntuak lortzeko, gure aurpegirik onena erakutsi behar izan baitugu partida guztietan, puntuak oso garesti baitaude beti. Taldea prest dago berdegunera salto egiteko.
Partida larunbatean 10: 40etan Berioko instalazioetan.
LEHENENGO KADETEA
Bigarren itzulia hastear da Coti-k zuzentzen duen taldearentzat eta benetan partida bikaina dute aurretik Añorga K.K.E. talde zementeroaren aurkakoa izanen dena. Bizilagunak multzoko liderrak dira eta benetan talde ederra dute, maila altukoa dudarik gabe. Orain arte jokatutako partida guztiak irabaziak ditu Añorga K.K.E- k eta geureek datu beldurgarri horrekin amaitzea izanen dute erronka nagusia. Geureak oso lehiakorrak dira eta prest daude partida honetan hiru puntuen bila joateko. Lehenengo itzulia ona izan da benetan eta orain bigarrena ere bide berberetik jarraitu nahi dugu. Aupa neska, disfruta ezazue partidaz.
Partida igandean 16:00 tan La Salle futbol zelaian.
INFANTILA F – 11
Txapelketarako fasea hastear da infantil futbol 11 taldearentzat eta taldea benetan gogotsu dago estreinurako. Bigarren fase honetan multzoa luzea da, hots, 12 taldekoa hain zuzen ere eta joan eta itzuliko formatuan jokatuko dute elkarren aurka talde guztiek, lehen postuan geratzen dena maila honetako txapeldun bilakatuko delarik. Lehen jardunaldi honetan C.D. Hernani talde berdea izanen dugu aurrean, ondo ezagutzen dugun arerioa, hain zuzen ere lehen fasean ere elkarren kontra indarrak neurtu genituen. Erronka egindako lanari jarraipena ematea da eta txapelketarako fase on bat garatzea. Ekin lanari.
Partida igandean 13:00 tan Zubipe futbol zelaian (Hernani).
INFANTILA F – 8
Lehen fase honetako azken neurketa jokatuko du geure talde gazteenak larunbata goizean lehen orduan. Goiztiarrenak izanen dira geure gaztetxoak baina benetan partida zinez interesgarria jokatuko dute Intxaurdi K.E.-ren aurka. Multzoko liderra da Intxaurdi K.E. eta erronka ez da nolanahikoa ez. Ordea, geureak konbentzituta joanen dira zelaira puntuak batzeko aukerak egon badaude eta. Beraz, amaiera dotorea eman nahi dio taldeak lehen fase on honi eta anima ditzagun larunbaterako partidarako. Aupa ekipo.
Partida larunbatean 09:30 tan Cesar Benito futbol zelaian.
