Gizonezkoen egiturari dagokionez, gure taldeentzako amaiera ezberdinak bizi izan ditugu asteburu honetan, hiru garaipen, hiru berdinketa eta bi porroteko balantzearekin.
BARAKALDO C.F. 4 – 1 GAZTEEN LIGA NAZIONALA
Porrota San Vicente Kirol Hiriko instalazioetan Unai Gazpioren taldearentzat. Sendotasun eta zehaztasunik gabe hasi ziren gureak eta ondorioz Barakaldok aukera garbiak sortu zituen, batez ere joko zuzenaren bidez. Lehen minutu horietan 1-0 aurreratu zen talde bizkaitarra eta bigarrena egiteko aukera paregabea izan zuen, non Oskilak geldiketa miragarria egin zuen. Taldea pixkanaka finkatu egin zen, atzealdearen bizkarrera korrika egiteko aukera izan zuen eta eraso posizional gehiago izan zituen. Horrela, Mancik, Aldamaren gidaritza eta pase bikain baten ondoren, atezaina kalitatez garaitzea lortu zuen. Gol horrekin 1-1ekoarekin iritsi ginen atsedenaldira.
Bigarren zatian are konbentzituago atera ziren gureak. Baina futbolean areek agintzen dute; izan ere,1-2koa atezainaren metro pare batera izan eta gero, Barakaldok 2-1ekoa jarri zuen ia segidan. Hortik aurrera, taldeak ez zuen suspertzen jakin, eta beste bi gol jaso zituen, ikaskuntza gisa balio behar dutenak eta etorkizunari baikortasunez baina baita autokritikarekin ere begiratu behar diotenak. Aurkariari zorionak ematea eta Aurrera Vitoriaren aurkako hurrengo ligako konpromisoan pentsatzea dagokio taldeari.
GAZTEEN EUSKAL LIGA 2 – 2 URDANETA C.D.
Deskontuan bi puntuk ihes egin zuten Berioko igande arratsaldean. Ez zen ondo hasi Iñigo Clavelen taldea Urdanetaren aurka, zeinak abagune argiak izan zituen hasiera hartan. Horietako batean gola sartzea lortu zuen Loiuko taldeak, aurrelariak funtsezko aldaratze bat ehizatu ondoren. Etxeko taldeak azkar eta modu eraginkorrean erreakzionatu zuen Barnetoren gol batekin, aurkariaren baloiaren irteerako huts batez aprobetxatuz. Hortik aurrera, gureak lehen zatian onduz joan ziren, baloiarekin aurrera eginez eta kalitatezko triangulazioak eginez.
Bigarren zatian etxekoak nagusi izan ziren, sakontasuna etengabe irabaziz, aurkariaren zelaian jokatuz, aurkariaren trantsizioak ondo geldituz eta aukerak sortuz. Hala ere, kosta egin zen hain beharrezkoa zen gola sartzea, Otalorak, oso timing onarekin, alboko erdiraketa batean 2-1ekoa egin zuen arte. Bazirudien hiru puntuak etxean geratuko zirela, sentsazioak benetan onak baitziren. Baina futbolean edozer gerta daiteke epaileak amaiera jo arte, eta atzo luzapenean gure hirugarren taldeak futbolaren aurpegirik garratzena bizi izan zuen, Urdanetak alboko erdiraketa baten bitartez luzapenean lehia berdindu zuenean. Golpe gogorra partida ondo garatu eta landu zuen talde batentzat, baina ezin izan zituen hiru puntuak eskuratu eta berdinketarekin konformatu behar izan zuen.
EUSKAL LIGAKO KADETEA 4 – 0 S.D. EIBAR
Nagusitasunez irabazi zuen Iker Mendiluzeren taldeak, hiru puntu lortuz oso partida zailean eta sailkapenean gainetik zegoen SD Eibar SAD bezalako aurkari baten aurka.
Talde urdinak aginte-makila eraman zuen partidaren hasieratik, ausart agertu zen puntuen bila eta markagailuan aurrea hartzeko nolabaiteko argitasun aukerak izan zituen. Hala ere, armaginek hobera egin zuten minutuek aurrera egin ahala, eta bisitariak izan ziren puntu penaletik markagailuan aurrea hartzeko aukera paregabea izan zutenak, baina ez zuten aprobetxatu Uhaitzek defendatutako atean baloia langan joz. Jarraian, trantsizio bikain batean, Oierrek gureak aurreratu zituen atsedenaldiaren aurretik. 1-0 eta aldageletara abantailarekin.
Bigarren zatian gureen nagusitasuna oso argia izan zen eta errenta handitu ahal izan zuten Beñat, Oihan eta Markel I.aren golekin 4-0eko markagailuarekin partidari amaiera emateko. Benetan, taldea maila onean iritsi da lehen itzuliko azken partidara, eta gauzak ondo baino hobeto egiten jarraitzeko asmoarekin dihardu, sailkapeneko lehen postuetarako lehian jarraitu ahal izateko. Lan bikaina mutilak.
OHOREZKO KADETEA 1-1 KOSTKAS C.D.
Mikelen taldeak bigarren itzulia hasi zuen lehen itzulian gauzak benetan gordin jarri zizkien aurkari baten aurka, non partida berdindu behar izan zuten 85. minutuan. Partida intentsitate handiarekin hasi zen, lehen eta bigarren baloiak irabaziz, gureei presio biziarekin irteten utzi gabe eta hegalean giltzapetuta. Ez ziren gureak erdilariengandik urrun zegoen lerroarekin konektatzeko gai izan eta lapurreta eta trantsizio azkarrekin zigortzen gintuzten. Lehen zatiaren erdialdean, area barruan egondako lehia baten ondoren, epaileak aurkako penaltia adierazi zuen eta Kostkasek asmatu zuenean partida zail jarri zen. Hortik aurrera, taldeari ere kosta egin zitzaion egoera egokiak sortzea, baina 35. minutuan baloi gelditu batean berdinketa lortu zen atsedenaldira 1-1ekoarekin joateko.
Bigarren zatian, etxekoen lehen 15 minutuak oso onak izan ziren areara hurbilduz eta bere zelaian jokatuz partida “erotzen” hasi zen arte, etenaldi, trantsizio eta gorabehera askorekin. Hala ere, ez zen golik izan. Berdinketarekin konformatu behar eta galdu gabe kateatutako partida bat gehiago batu du taldeak. Hobetu beharreko alderdietan lanean jarraitu beharra dago, hurrengo jardunaldiko Mundarroren aurkak partidan arreta jarriz.
VASCONIA C.D. 6 – 1 INFANTIL HANDI
Txakarren taldeak ez zuen aukerarik izan igande arratsaldean Puioko futbol zelaian jokatutako partidan. Aurkaria nagusi izan zen partida osoan eta ondorioz taldea ez zen eroso sentitu. Vaskonia aurretik jarri zen markagailuan bi goleko aldearekin, eta jarraian urdinen gol batek itxaropena eman zien gureei lehia irauli ahal izateko. Hala ere, amaratarren nagusitasunarekin jarraitu zuen norgehiagokak, eta horren ondorioz markagailua handitu eta 6-1ekoarekin amaitu zen lehia. Porrot horrek ikasteko balio behar du, eta, beraz, etorkizunari baikortasunez eta ilusioz begiratzeko.
INFANTIL TXIKI 2 – 0 HONDARRIBIA F.E.
Zinez ongi sartu zen Uritzen taldea igande goizeko partidara. Lehen zatian taldeak arrisku handia sortu zuen hegaletik triangulazio onak eginez eta baloia bikain ateraz. Izan eta Iraik alboko erdiraketetan sartutako golei esker 2-0 joan ginen atsedenaldira.
Bigarren zatian taldeari kosta egin zitzaion intentsitatearekin sartzea eta horregatik bere zelaian denbora gehiago eman behar izan zuen. Egia da, nahiz eta aurkariaren nagusitasuna handiagoa izan, mutilek ordenaz eta kemenez defendatu zutela markagailua. Garaipen ona goiko postuei lotuta jarraitzeko.
