GAZTEEN NAZIONAL MAILA
Beriora itzuliko da geure bigarren taldea, eta jardunaldi garrantzitsua jokatuko du hiru puntuak lortzeko Barakaldo CF talde bizkaitarraren aurka. Barakaldotarrak hamaseigarren daude sailkapenean eta bisitarien helburua taulako postu arriskutsuetatik irtetea izango da. Geureak Zarautz KEren aurkako porrotetik datoz Astin eta garaipena lortu nahi dute hurrengo hitzorduei lasai aurre egin ahal izateko. Partida garrantzitsua da taldearentzat eta, beraz, lerro hauetatik bidaltzen dizkiegu geure animoak. Haien bila, mutilak.
Partida larunbatean 15:30 tan Berioko futbol zelaian
GAZTEEN EUSKAL LIGA
Pituren mutilak Basaurin jokatuko dute Basconia CD taldearen aurka duten jardunaldia, azken asteetako bolada onarekin jarraitzeko asmoarekin. Taldeak nabarmen egin du hobera lortutako emaitzen arabera, eta zortzigarren dago sailkapenean, oso posizio erosoan. Basauritarrak hiru puntuak lortu behar dituzte eta beraz, ez da lan erraza izango Bizkaiko lurretan hiru puntuak batzea. Baina gureak lehiakorrak dira beti, eta ziur horrela agertuko direla jardunaldi honetan ere.
Partida larunbatean 16:00 tan Soloarteko futbol zelaian (Basauri).
KADETEEN EUSKAL LIGA
Ez da batere erraza izango Iker Larrañagak zuzentzen duen taldeak larunbat arratsaldean Gobelan Romo FC taldearen aurka jokatuko duen norgehiagoka. Etxean Durangoko Kulturalaren aurka garaipen bikaina lortu ondoren ildo horretan jarraitu nahiko du geure taldeak bigarren postuan sendo mantentzeko, berdintasuna nabaria den multzo batean; izan ere, hainbat talde daude oraindik hain desiratuta den fasera sartzeko aukerak dituztenak. Animo eta puntuen bila.
Partida larunbatean 18: 45ean Gobelan (Getxo).
KADETEEN OHOREZKO MAILA
Partida bikaina larunbatean Zubipen CD Hernaniren aurka biziko duguna. Sailkapenean 35 puntu ditu eta gurea den bezala sailkapeneko bigarren postua lortzea izango du helburu. Berdintasun handia espero da geure kadete mailako bigarren taldearentzat. Gogoan izan behar dugu joaneko partida ere oso parekatsua izan zela eta partida hirunako berdinketarekin amaitu zela markagailuan. Zorte handia taldearentzat, bada.
Partida 12: 00etan Zubipeko futbol zelaian.
INFANTILEN OHOREZKO MAILA
Uritz Ansoaldek zuzentzen duen taldeak ondo hasi zuen Haurren Ohorezko Ligako txapelketa fasea, Zizurkilgo Danena KE mendean hartuta. Larunbat goizean Azkoitia bisitatuko dute Anaitasuna CDaren aurka indarrak neurtzeko, estreinuko jardunaldian punturik lortu ezin izan zuen taldea. Horrela, puntu-kutxatila geurekin inauguratu nahiko dute, eta, horretarako, San Juan zelaira joango gara, sailkapen-taulako buru izaten jarraitzeko asmoarekin. Bidaia ona izan dezazuela.
Partida larunbatean 10: 45ean Azkoitiko San Juan zelaian.
INFANTIL TXIKIA
Lehen urteko gure haur mailarako sailkapenaren goiko aldean dagoen partida. Bertan, Martutene KEren aurka neurtuko gara. Bigarren dago taulan, guk baino hiru puntu gutxiagorekin. Ibilbide bikaina egin du Eneko Arnedok zuzentzen duen taldeak, eta sailkatze fase bikain hau biribiltzen hasi nahi du, lehen postua ziurtatuko digun garaipen batekin. Partida izugarria, igande arratsaldean Martuteneko zelaian espero dena. Aupa Antiguoko KE.
Partida igandean 16: 30ean Martuteneko zelaian.
ERRENDIMENDUKO ALEBINA
Bigarren jardunaldian errendimendu-fase honetan Sergioren mutilek Hondarribia FE mugako taldearen aurka neurtuko dituzte indarrak. Talde berdea ere ondo hasi zen lehen jardunaldian eta partida ona dator igande goizean. Ziur aski, partida mimo handiz prestatu ahal izango zuten urdinek, eta goi mailako futbola eskaintzeko prestatuak daude oso. Goza ezazue mutilak.
Partida igandean 10: 30ean Berioko futbol zelaian.
