Badator otsaileko lehen partida ere emakumezkoen egiturako gure taldeentzat. Bi partida Berion eta beste hainbeste etxetik kanpo ahalik eta ogirik onenarekin lehiatzen saiatzeko, egunetik egunera hazten jarraitzeko.
OHOREZKO KADETEA
Partida zirragarria Gurruren taldearentzat Rezolan, beti oso zelai zaila. Hala ere, une onean datoz gureak, eta buru postu horietan jarraitzeko irrikaz. Aurrean izango duen arerioa, Añorga K.K.E., urdinengandik puntu bakarrera dago soilik. Beraz, aurkari zuzenen arteko liskarra izango dugu eta, zantzarik gabe, GURE neskak erronka handi horrek eskatzen duen mailan egongo dira.
Partida larunbatean 10:30etan Rezola futbol zelaian (Añorga-Donostia).
LEHEN KADETE MAILA
Fase honetan garaipenarekin estreinatu zen Cotiren taldea eta gauza bera egin nahi du igandean Berion Aizkorri F.T. taldearen aurka. Ez da lan erraza izango talde goierritarragaraitzea, baina taldeak erakutsi du prest dagoela jarraian datozen erronketarako, partida honetatik hasita etxean. Garaipenaren bila, neskak.
Partida igandean 11:50ean Berioko futbol zelaian.
INFANTILA F-11
Intxaurdiren aurka sentsazio ezin hobeak izan ondoren, Maialen eta Oihaneren neskek etxetik kanpo jokatuko dute berriro, eta oraingoan Aiztondoren aurka lehiatuko dute Billabonan. Oso zelai zaila bisitatzen dutela jakinda, non etxekoek hiru partida irabazi dituzten fase honetan, gureak aste ona egiten ari dira partidari kontzentraziotik eta determinaziotik aurre egiteko.
Partida larunbatean 10:45ean Arratzain futbol zelaian (Billabona).
INFANTILA F-8
Jonen f-8 infantila Lezora joango da larunbat goizean. Merezitako garaipenekin hasi ondoren, taldeak ez du bere boladarik onena bizi emaitzei dagokienez, baina argi du egunerokoan bikain ari direla lanean eta jokalariak zein taldea behar bezala ari direla aurrera egiten. Ondorioz, partida honetako hiru zatietan zehar euren onena ematen saiatuko dira garaipenarekin berriz elkartzeko.
Partida larunbatean 9: 30etan Plazeta futbol zelaian (Lezo).
