Asko landutako hiru puntu eder eskuratu zituen Endika Morales-en taldeak ostegunean Galindo
futbol zelaian jokaturiko eta aurreratutako partidan eta 1-2 aldeko markagailuarekin amaitu zena.
Horrela, bada, aurreko asteburuan egindako lan eskergari jarraipena eman zioten atzo geure
neskek eta balio handiko hiru puntu eskuratu zituen bigarren garaipena segidan lortuaz eta
sailkapeneko seigarren postuan ezarriaz taldea. Meritu handiko puntuak, lana eta esfortzua
geure lehen taldeko jokalariak egin dutena azken aste hauetan eta beraz, bejondaizuela.
Partidari dagokionez esan behar duguna zera da, pentsatzen genuen bezala ez zela batere
partida erraza izan eta bizkaitarrek gauzak ez zituztela batere errazak jarri norgehiagokaren
hasiera-hasieratik. Egiari zor, Sestao River gu baino hobekiago atera ziren partidara eta lehen
zatian nahiko nagusi izan zirela esan beharrean gaude. Baloi jabedun ziren beraiek eta geureek
galtzak bete lan izan zituzten aurkariaren sekuentziak geldiarazteko. Baloi zuzenak arriskutsuak
izan ziren eta baloi mantentzean ere ez genuen gehiegi asmatu. Geure atezainak ere merituzko
geldituak egin zituen eta dezente sufriarazi ondoren 0-0 markagailuarekin joan ginen
atsedenaldira.
Bigarren zatian ordea taldea beste bat izan zen eta horri esker markagailuan aurrea hartzea lortu
genuen Ainhoak sartutako gol on bati esker. Gainera, gola sartu baina lehen ere taldea
bizkaitarren ate ingurura erraztasunez iritsi eta gol aukera nabariak huts egin zituzten
hirurogeigarren minutuan aurrea hartu genuen arte. Ordea eta zorigaiztoko geldikako jokaldi
batean, lau minutu beranduago, urruntzen asmatu genuen egoera batean banako berdinketa
lortu zuen etxeko taldeak eta berriro ere berdinketa ipini zuten. Taldea ordea ez zen kikildu eta jo
eta su jarraitu zuen garaipena emango zion golaren bila. Eta saria lortu, lortu zuten bizkarra
erasotu eta Couceiro-k sartutako golari esker hirurogeita hamabosgarren minutuan. Lanerako
jarrerarekin jarraitu eta ederki kudeatu genuen markagailua, denborak eta egoerak guztiz
kontrolpean izan genituelarik. Sufritu genuen baina baita ederki lehiatu ere, futbolean eta ondotxo
dakigunez, ezinbestekoa delarik eskarmentua izatea horrelako egoeretan ere. Zorionak neskak
eta atseden hartu ezazue.
Asko landutako hiru puntu.
