Emakumezkoen lehen taldeak garaipena lortu zuen Mutilveran, joan den ostiraletik Zuasti Zelai Klubean burutu den stagea amaitzeko. Esperientzia zoragarria eta beharrezko bizikidetza, elkar ezagutzen jarraitzeko eta sinergiak eta giza harremanak sortzeko, laguntasunean, errespetuan, pertsonaren zaintzan eta maila guztietako hobekuntza kolektiboan oinarrituta. Taldeak U.D. Mutilveraren aurkako lagunarteko partidu batekin amaitu zituen kontzentrazio-jardunaldi hauek, eta 1 – 2ko markagailuarekin gailendu ziren Nafarroako lurretan.
U.D. Mutilvera 1 – 2 Eskualdeko Ohorezko Maila I Lagunarteko partida.
Asteburu zoragarri hau sentsazio onekin itxi zuen U.D. Mutilveraren aurkako lagunarteko partidan geure lehenengo taldeak. Baloiaren jabetzarekin hasi zuen partida eta defentsa lanean trebeak eta eraginkorrak izan ginen, partidu kontrolean jaun eta jabe izan zirelarik. Gol aukera dezente sortu genituen, azkar berreskuratuz galeren ondoren eta aurreraka defendatuz. Aitzitik, eta minutu batzuen ondoren partida norabidez aldatu eta ez genuen jakin etxekoen trantsizio arriskutsuak kontrolatzen asmatu, partida zentzu horretan hautsi zen eta ezin izan genien jokoaren lehen minutuei jarraipena eman. Atsedenaldia eta 0 – 0 estua markagailuan. Bigarren zatian, taldea bere izaera eta nortasunera itzuli zen, eta bere ideia eta erritmoa ezarri zuen. Hala, sekuentzia on baten ondoren, aurrea hartu ahal izan zuen, errekuperazio-fasean defentsa asko zainduta, eta barneko jokalariekin konektatu ahal izan genuen, Ainhoari 0 – 1ekoa ezarriz aparteko pase bat probestuaz. Hortik aurrera, lehen zatian ere aipatu dugun kontrolik eza itzuli zen pixkanaka, eta nafarrek berdindu egin zuten lehia, egoera horretan ez baikinen ondo kokatuta egon. Hala ere, baloi eder handi batean eta hurrengo lerroen bizkarra aurkituz, Ainhoak berriro jarri gintuen aurretik markagailuan buruz burukoa ondo sareratuta. Proba interesgarria izan zen, non taldea eta teknikariak gustura geratu ziren egindako lan onarekin.
Jarrai dezagun markatutako bidetik.
