Urriko hirugarren asteburuak oso balantze positiboa utzi zuen gizonezkoen egiturarentzat. Bost garaipen eta berdinketa batek laburbiltzen du jardunaldia.
Santutxu 1-1 Gazte Nazionala
Nazional Jubenilak puntu bat lortu zuen Mallonako lehia zorrotz batean. Partida haize handiarekin eta erritmo altuarekin hasi zen lehen minututik. Santutxu indartsu zelairatu zen eta hasierako partidetan gogor defendatzera behartu zituen geureak. Minutuek aurrera egin ahala, taldea sendotu egin zen eta jokoaren kontrola izaten hasi zen, atsedenaldira iritsi aurretik aurrea hartzeko aukera garbiak sortuz.
Bigarren zatia ahalik eta ondoen hasi zen: 52. minutuan, Mateok trantsizio azkar bat burutu zuen 0-1ekoa jartzeko. Antiguoko eroso azaldu zen zelaian, partiduaren faseetan nagusi izanik eta aukera argirik eman gabe. Hala ere, aldentze txar baten ondoren, Santutxuk berdinketa lortu zuen amaierarako sei minuturen faltan.
Markagailua ez zen gehiago mugitu eta 1-1ekoarekin bukatu zen lehia. Zapore gazi-gozoa uzten du, emandako irudi onagatik. Datorren igandean Berion, Arratiaren aurka, taularen goiko aldeko aurkari zuzenen arteko norgehiagoka ona izatea espero du taldeak.
Euskal Jubenila 3-1 Lagun Onak
Euskal Jubenilen garaipen handia, Berion Lagun Onak 3-1 gaindituz. Julenen taldea zehaztasunik gabe hasi zen, eta, horri esker, talde bisitariak aurrea hartu zuen markagailuan lehen minutuetan. Geureen erreakzioa berehala iritsi zen: Oier Mancisidorrek aldaratze bat baliatu zuen area barruan partida berdintzeko.
Hortik aurrera, Antiguokok jokoaren kontrola hartu zuen eta atsedenaldiaren aurretik markagailua iraultzea lortu zuen Xabi Salgadok klasearekin amaitutako jokaldi bikain bati esker. Bigarren zatian, Lagun Onak erreakzionatzen saiatu zen, baina urdinek defentsan lan handia eta talde sendotasun handia erakutsi zuten.
Azken txanpan, Gordoak partida erabakita utzi zuen erdiraketa zehatz baten ondoren buruz egindako erremate bikain batekin. 3-1 amaierak jardunaldiz jardunaldi hazten jarraitzen duen talde baten ahalegina, kontzentrazioa eta izaera islatzen ditu.
Santutxu 0-1 Euskal Kadetea
Lehen garaipena etxetik kanpo Euskal Kadeteentzat, Mallonan Zuloagak 10. minutuan penalti puntutik egindako golari esker. Iraolaren taldeak oso partida serioa jokatu zuen, defentsa sendoarekin eta talde lan bikainarekin. Santutxu erreakzionatzen saiatu zen, baina urdinek lasaitasunari eusten, txukun defendatzen eta espazioak ixten jakin zuten. Meritu handiko garaipena, taldeari sailkapeneko goiko aldean jarraitzeko eta denboraldi hasiera bikaina berresteko aukera ematen diona.
Ohorezko Kadetea 5-1 Añorga
Ohorezko Kadeteak beste garaipen bat lortu zuen, liga hasieran lortutako garaipen boladari eutsiz. Emaitza, jokoak islatu zuena baino mardulagoa, bigarren zati eraginkor batean mamitu zen.
Partida ondo hasi zen gldearentzat, laster aurreratu ziren, baina Añorgak berdinketa lortu zuen eta abagune argienak izan zituen. Hala ere, urrutiko jaurtiketa batekin, talde jrdina berriro aurreratu zen atsedenaldia baino lehentxeago. Bigarren zatian, taldea nagusi izan zen eta hiru gol gehiago lortu zituen. Taldeak maila oso altua eta etengabeko hazkundea erakusten jarraitzen du.
Trintxerpe 2 – +5 Infantil Handi
Infantil Handiak bertsio bikaina erakutsi zuen Trintxerpen, garaipen sinesgarria lortuz. Taldea oso ondo moldatu zen zelaiaren eta aurkariaren baldintzetara, kontzentrazioari eutsiz partida osoan zehar. Garaipenak taldearen dinamika ona berresten du, talde lan bikaina eta jokoaren bilakaera erakusten jarraitzen baitu.
Infantil Txiki +5 – 0 Lengokoak
Infantil Txikiren garaipen eroso eta bikaina Berion. Taldea intentsitate handienarekin zelairatu zen eta lehen minutuan gola sartu zuen, baina baliorik gabe utzi zuten jokoz kanpo zegoelako. Handik gutxira, hamargarren minutua baino lehen, markagailua 2-0ekoa zen.
Taldea baloia galdu eta berehalako bere presioagatik nabarmendu zen, baloia azkar errekuperatuz eta partida erabat kontrolatuz. Bigarren zatiak, aldaketa eta beroa gorabehera, urdinek aukerak sortzen jarraitu zuten eta ondorioz abantaila handitu zuten.
