Asteburu mugitua gure taldeentzat, auzoko jaien hasierarekin batera. Testuinguru ezin hobea futbol onaz gozatzeko eta, espero dugu, emaitzek eguneroko lana lagun dezaten.
Arenas – Gazte Nazionala
Mardaren taldea Getxora joango da sailkapeneko postu nobleagoetara igotzeko garaipena lortzeko helburuarekin. Bigarren itzuliaren hasierarekin, joaneko partidako oroitzapenak positiboak dira, neurketa gure alde erori baitzen, eta orain emaitza hori errepikatzea da erronka. Nahiz eta Arenas azken postuan iritsi, ez da aurkari erraza izango. Azken jardunaldietan agerraldi berdeak ikusten dira eta txapelketaren bigarren zati honetan zeresan handia ematera deitua dagoen taldea da. Kontzentrazio eta anbizio handiena itzulia ondo abiatzeko.
Partida larunbatean 19:30ean Gobela futbol zelaian.
Euskal Jubenila – Urki
Julenek zuzentzen duen taldearen bigarren itzulia ere hasiko da. Dinamika ikusgarria bizi du, konfiantzaz eta sentsazio onez betea. Mezua argia da: ildo beretik jarraitu, orain arte erakutsitako nortasuna eta lehia-maila mantenduz. Etxean, hori bai, hiru berdinketa daramatza jarraian, eta taldeak Berion garaipena dastatzeko gogo handia du. Talde bezala hazten jarraitzeko eta bizitzen ari den une bikaina berresteko aukera paregabea da.
Partidua larunbatean 15:30etan Berioko instalazioetan.
Euskal Kadetea – Vasconia
Lehen itzulia ixteko derbia Iraolaren taldearentzat. Partida berezia beti, garaipena berriro etxean bilatzeko pizgarriarekin. Aurkaria Vasconia oso lehiakorra izango da, gaur egun bosgarren sailkatua 31 punturekin, eta horrek norgehiagokaren zailtasuna islatzen du. Intentsitate- eta kontzentrazio-maila handia beharko da lehia zorrotz batean gailentzeko.
Partidua larunbatean 12:00etan Berioko instalazioetan.
Infantil Handi – Amaikak Bat
A zer nolako partida Beldaren taldearentzat. Txapeldunen fasea garaipenekin soilik hasi duten bi talde izango dira aurrez aurre, eta horrek maila handiko norgehiagoka ziurtatzen du. Emaitzaz haratago, testuingurua ezin hobea da ikaskuntzarekin jarraitzeko, ahalik eta gehien lehiatzeko eta taldearen hazkundea neurtzeko, aurkari garrantzitsu baten aurrean.
Partidua larunbatean 10:30etan Berioko instalazioetan.
Real Unión – Infantil Txiki
Eibarren aurka lortutako garaipen handiaren ondoren, Uritzen taldea Irunera joango da Real Unionen aurka jokatzeko. Talde txuribeltza Zumaian irabaztetik dator eta batzen jarraitzeko gogoz iritsiko da. Gure taldeak ilusio handiz egingo dio aurre neurketari, bizi duten une onaz jabetuta eta denboraldi bikaina osatzen jarraitzeko helburuarekin.
Partida larunbatean 10:45ean Galeko instalazioetan.
