Gipuzkoako kategorietan lehiatzen diren taldeek atseden hartzen duten bitartean, maila autonomiko edo nazionaletan jokatzen dutenek partida zirraragarri, interesgarri eta garrantzitsuak jokatuko dituzte inauterietako asteburu honetan. Hauek izango dira hiru topaketak:
Real Sociedad – Juvenil Nazilnala
Julenek zuzentzen duen taldeak denboraldiko irteerarik zorrotzenetako bati egingo dio aurre, Zubietako instalazioak bisitatuko baititu Realaren aurka jokatzeko. Partida zirraragarria eta intentsitate handienekoa izango dela aurreikusten da, bi taldeak sailkapeneko lehen postuetan sartzeko borrokan murgilduta baitaude. Gureak hirugarren postuan iritsiko dira, goiko aldean sendotzeko eta Reala bezalako aurkari zuzen batekiko aldea handitzeko motibazioarekin. Lehen itzuliaren aurrekaria 1-0 izan zen, eta horrek bi taldeen arteko berdintasuna erakusten du.
Partidua larunbatean 16:30etan Zubietako instalazioetan (Lasarte Oria).
Euskal Jubenila – Loyola Indautxu
Garik zuzentzen duen taldea etxera itzuliko da Gasteizen Lakuaren aurka lortutako garaipenaren ondoren bere une ona luzatzeko asmoz. Jardunaldi honetan Loyola Indautxu hartuko dute. Bilbotarrek ez dute sailkapenaren unerik onena igaro eta salbazioa lortzeko puntuak behar dituzte. Bestalde, gureek hiru puntu garrantzitsu lortzeko aukera dute, posizioetan gora egiten jarraitzeko eta goiko postuetan finkatzeko.
Partidua larunbatean 15:30etan Berioko instalazioetan.
Eibar – Euskal Kadetea
Euskal Kadeteak, Mikelen zuzendaritzapean, Unben jokatuko du larunbat goizean Eibarren aurka. Sailkapena inoiz baino estuago dago, eta neurketa honek aldeak ekar ditzake hirugarren posturako lehian. Gaur egun, Eibarrekin eta Alavesekin berdinduta daude, eta horrek berebiziko garrantzia ematen dio neurketari. Garaipen batek, aurkari zuzen batengandik urruntzea ahalbidetzeaz gain, taldea lehiaketako podiumean sartzeko asmo handiko helburura hurbilduko luke.
Partidua larunbatean 10:30etan Unbeko instalazioetan (Eibar).
