Gizonezkoen taldeek futbolez eta lehiarako eskakizunez betetako asteburu berri bati egingo diote aurre, Aste Santuko merezitako oporren aurretik.
Jubenil Nazionala – Athletic Club
Bigarren partida jarraian etxean Julenen taldearentzat, Athletic Club liderra hartuko baitu. Bilbotarrek 19 garaipen, 6 berdinketa eta 4 porroteko balantza ikusgarria du eta, ondorioz, multzoko liderra da. Gure taldeak, sailkapenean seigarrenak, Eibarren aurka galdu eta gero berrantolatzea izango du helburu, ospe handiko garaipenarekin, gora begira jarraitu ahal izateko. Exijentziarik handieneko lehia izango da, eta taldeak bertsiorik onena ematea espero du.
Partidua larunbatean 17:30etan Berioko instalazioetan.
Laudio Rokezar – Euskal Jubenila
Gariren taldeak irteera zaila izango du, oraingoan Laudiora joango baita 30. jardunaldiari dagokion ostiralerako aurreratutako partida bat jokatzera. Gure taldea sentsazio onekin iritsi da Azkoitiko partida handiaren ostean eta maila horri jarraipena eman nahi diote Liga Nazionalerako txartela ematen duten postuen lehian murgilduta dagoen aurkari baten aurka. Erronka zorrotza, baina talde lehiakor gisa hazten jarraitzeko konfiantzarekin.
Partida ostiralean 19:30ean Ellakuri futbol zelaian (Laudio).
Deportivo Alaves – Euskal Kadetea
Rubenen taldeak ere Ibaiara bidaiatuko du, Ohorezko Mailak bezala, jardunaldiko partidarik erakargarrienetako batean Alavesen aurka jokatzeko. Bigarrena laugarrenaren aurka: Antiguokok 52 puntu ditu eta talde babazorroak 51. Beraz, norgehiagoka erabakigarria izan daiteke pribilegiozko postuetarako borrokan. Garaipen bat hirugarren postua sendotzeko urrats erraldoi bat izango litzateke.
Partida larunbatean 12:30ean José Luis Compañón 4 futbol zelaian (Gasteiz).
Ohorezko Kadetea – Oiartzun
Galen lortutako emaitza epikoaren ondoren, Iraolaren mutilak etxera itzuliko dira Aste Santuko geldialdiaren aurretik, bide onean jarraitzeko asmoz. Aurrean, intentsitate eta kontzentrazio handiena eskatuko duen Oiartzun bat egongo da. Helburua argi dago: dinamika positiboari eustea eta ikasturtearen tarte hau sentsazio onekin ixtea.
Partidua larunbatean 12:00etan Berioko instalazioetan.
San Martzial – Infantil Handi
Uritzen Infantil Handiak hazten jarraitzen du, egiten ari den prestakuntza-lan handiari esker. Taldeak une gozoa bizi du eta orain San Martzial izango du aurkari, Irungo derbian Mariñori 2-3 irabazita datorren arerioa. Erronka berri bat ilusiozko prozesu bat sendotzen jarraitzeko.
Partidua larunbatean 9: 00etan San José Obrero futbol zelaian (Irun).
Infantil Txiki – Eibar
Zubietan porrot gogorra jaso ondoren, Beldaren taldeak akatsak zuzendu eta sentsazioak berreskuratu ditu astean zehar. Jardunaldi honetan bosgarren postuan dagoen Eibar hartuko dute, lehia polit eta desafiatzaile batean. Antiguokok bere bertsiorik onena erakutsi eta ahalik eta gehien lehiatu nahi du aurkari zorrotz baten aurka.
Partidua larunbatean 10:30etan Berioko instalazioetan.
