Jubenil Nazionalak 4-3 hartu zuen mendean Athletic Club Euskal Kopako final-laurdenetako partidan, finalerdietarako txartela lortuz. Partida zirraragarria, erritmo handikoa eta etengabeko alternatibak izan zituena, non taldeak aurpegia ederki eman zuen mailako liderraren aurka.
Partida nortasunez hasi zuten Julenenek, eta Otaloraren golari esker aurrea hartu zuten, Barnetoren orientazio aldaketa handi baten ondoren. Athleticek erreakzionatu eta partida berdindu zuen, baina behera egin beharrean, gureek ahaleginak areagotu eta saria aurkitu zuten: kontrako zelaian egindako bi lapurretek Anbu eta Barnetoren golak ekarri zituzten 3-1ekoa jartzeko. Atsedenaldiaren aurretik, Imaz heroi bihurtu zen 3-2koa suposatuko zukeen penaltia geldituz.
Aldageletatik igaro ondoren, partidak berdin jarraitu zuen, baina Athleticek bost minututan markagailua berdindu zuen. Kolpea gorabehera, talde urdinak tinko eutsi zion, bere jokoan sinetsiz eta saiatzeari utzi gabe. Azken minutuetan, hainbat egoera arriskutsu sortu ostean, Fernak, bigarren zutoinean, amaierako 4-3koa sartu zuen, Berio pozez leherraraziz.
Izaera, fede eta talde garaipen bat. Finalerdietan gaude! Zorionak!
