ZORIONAK OLASA!
Antiguokoko elastikoa jantzi duten sei jokalari Errege Kopako final-laurdenetako kanporaketako partaide izan ziren asteazken eta ostegun bitartean. Era berean, beste bi jokalari, Andoni Zubiaurre eta Ander Martin, euren taldearekin deitu zituzten, baina ezin izan zuten minuturik izan.
Hala ere, Martin Zubimendik, talde txuri-urdinaren erdialdean, partida osoa jokatu zuen Bartzelonaren aurka. Barrenetxea 46. minutuan atera zen berdegunera, eta Olasagasti, 78. minutuan zelairatu eta aukera paregabea izan zuen, Realari baliotsuak izan zitzaizkion minutuak gehituaz.
Bestalde, atzo Athletic Clubek eta Valentziak jokatutako partidan, merezitako finalerdietarako txartela lortuta, zelaiko jokalari ohien ordezkaritza handia izan zen. Hasieratik, Yuri Berchiche eta Julen Agirrezabala, 90 minutuak osatuz, eta aulkitik, azken minutuetan, Gorka Guruzeta, taldeari energia gehiago emateko.
