Klubeko emakumezkoen lehen taldea hasiko da astelehenean lanean denboraldiz denboraldi hazten ari dena, arlo hau osatzen duten kide guztiek egiten duten lan handiagatik. Ilusioz beteriko denboraldia dugu aurrean, eta arreta bereziz eta gogo biziz jarraituko dugu.
Abian jartzen lehenak Eskualdeko Ohorezko Mailan aritu eta lurralde-maila gorenean parte hartuko duten taldeko jokalariak dira. Liga erregularra 16 taldek osatzen dute eta 30 jardunaldi jokatuko dira irailaren 24tik maiatzaren 26ra bitartean. Bederatzi hilabeteko txapelketa zirraragarria eta zorrotza izango da, lurralde osoan zehar hedatuko dena. Bertan, ibilbidea eta oinarrizko lan ona duten egitura nagusiak izango ditugu zain.
Goierri Gorri F.K.ko gorrixkak jaitsi berritan, maila autonomikoan ibili ondoren, zalantzarik gabe, bidean aurkituko ditugun aurkari indartsuetako bat izango dira. C.D. Hernaniren filiala, Elgoibar C.D. bezalako lehen taldeak eta Hondarribia F.E. mugako taldeak igo ondoren, zailtasun gehigarria du egin beharko dugun lanak.
Lan horiek gustura eta indarberrituta hartzen ditu Endika Morales entrenatzaile berriak, etorkizun ona duen gaztea eta oraina ere denak lehen esperientzia izanen du emakumezkoen futbolean, eta taldea zuzentzeko ardura pozik hartu du oso, proposatutako hazkundean jarraitzeko eta taldea etorkizuneko erronketarako ahalik eta ondoen prestatzeko asmoz. Endika gaztetasuna, grina, prestakuntza eta gogo bizia da, futbolarekiko eta haren irakaskuntzarekiko emozioan isladatzen dena. Arduratsua, komunikatiboa eta inspiratzailea, ondo dakigu zein bertute dituen eta ziur gaude taldea bikain gidatuko duela proposatutako helburuen bila.
Izen berri baina aski ezaguna da Ion Mirandarena, izan ere, bere ibilbide konprometituan Antigua Luberri KEko taldeekin aritua da Berion, eta honek laguntzaile lanak eginen dizkio Endikari, behar den guztitarako prest egongo delarik. Antolatua, diziplinatua, kolaboratiboa, solidarioa eta eskuzabala da, eta txikitatik futbolarekiko izan duen zaletasuna handia du antiguotar honek eta taldeari arlo guztietan ekarpen bermatua egingo dio Mirandak. Ongi etorri, Ion.
Edurne Munarriz Real Sociedad SADetik etorri da, prestakuntza fisikoko zereginetarako, eta sustatu beharreko alderdi emozionalak ere landu ahal izango dituelarik, kirol-psikologiaren arloan pertsona ezaguna baita. Futbol jokalari ohiak Real Unión Club SAD eta Vasconia CD taldeetan egin du besteak beste prestatzaile ibilbidea.
Urte garrantzitsu baten hasiera izanen da, ziur.
