Emakumezkoen egiturako gure taldeek azken lagunartekoak jokatuko dituzte, hurrengo astetik aurrera lehiaketa ofizialean bete-betean murgilduko baitira hauetako batzuk. Oso aste biziak izan dira kirol-prestakuntzari dagokionez, eta oso emankorrak elkarbizitzari, harremanari eta talde-balioari dagokionez. Eskualdeko Ohorezko Mailak eta Kadete Mailako Ohorezko Ligako jokalariek izugarri gozatu zuten Zuastiko stagean, udari amaiera bikaina emateko eta azken lagunartekoan eta hurrengo asteko liga hasieran zentratzeko asmotan. Kadeteen Lehen Mailak asteburu honetan lasai hartuko du atseden eta Infantil F-11 Lezamara joango da.
ERREGIONALEN OHOREZKO MAILA
Endika Moralesen taldeak igande honetan bertan ekingo dio bere azken probari, benetan interesgarria izan den denboraldiaurre bat amaitzeko. Staff-ak eta jokalariek lan bikaina egin dute gure lehen taldeak izan dituen lagunartekoetan. Prestaketa, elkar ezagutzeko eta garatu nahi den jokoaren ideian elkarrekin lan egiteko asteak, taldea Urnieta K.E.ren aurkako lagunartekoa prestatzen darrai hurrengo astean Debagoiena Bailararen aurka Aretxabaletan liga estreinaldian neurtu aurretik. Aukera ona igande honetan bertan, ilusioz beteriko denboraldi honi begira, gure taldea bertatik bertara ikusteko.
Lagunarteko partida igandean 12: 00etan Berioko instalazioetan.
KADETEEN OHOREZKO MAILA
Kadete Mailako Ohorezko Ligako taldeak ere azken proba du igandeko jardunaldi honetan, kasu honetan Nafarroako lurretan. Aurreko astean beste klubeko kideek egin bezala, U.D. Mutilveraren aurka neurtuko dituzte indarrak, denboraldiaurrea ahalik eta ondoen bukatzeko asmoarekin. Lan ona egin du talde honek ere, eta gogotsu itxaroten diote ligako estreinaldiari, kasu honetan Añorga K.K.E.ko zementeren aurka izanen dena. Beraz, azken test on bat egin behar da, hasiera gogorra eta zorrotza izango baita, eta horrek lehiaketa hasten den unetik gure baldintza onenetan egotea eskatuko digu.
Lagunarteko partida igandean 16: 00etan Mutiloan (Nafarroa).
INFANTIL F – 11
Azpimarratzekoa da noski Maialen eta Oihaneren Infantil maila 11-ko taldeak bere prestaketarekin jarraitzen duela eta asteburu honetan oso bisita berezia izango dutela Lezaman, Athleticeko geure kideen aurka. Irtenaldi oso erakargarria da eta gainera partida bat jokatzeko aukera izanen dugu, ziur asko maila bikaina izango duen talde baten aurka. Goza ezazue Lezamaz eta jarrai dezagun eguneroko ikaskuntzarekin.
