Badator denboraldi ahaztezin honetako azken-aurreko kapitulua. Sei puntu eta bost talde baino ez daude jokoan txapelketa irabazteko lehian, eta hutsegite-tarterik ez dago.
Moralesek zuzentzen dituen neskek 60 puntu dituzte sailkapenean, aurreko jardunaldian Irauli 8-0 gainditu eta gero. Ondoren datoz Oiartzun (59), Intxaurdi eta Zumaia (58), eta Goierri Gorri (57), azken urteetako final zuzen parekatu eta zirraragarrienetako batean.
Aurkariak, Beti Gaztek, ez ditu gauzak erraz jarriko. Amaierara arte duintasunez lehiatu den taldea da, eta, bere zelaian, harro agurtzeko borrokatuko du. Inork ez du ezer oparitzen, eta are gutxiago bere etxean. Badakigu, eta horregatik ez da fio taldea.
Gureek badakite ez dagoela partida erosorik txapelketa honetan, eta are gutxiago etxetik kanpo. Datu bitxia eta tentsio handiagoa gehitzen diona neurketari: talde jrdinak ez du oraindik garaipenik lortu bisitari gisa 2025ean. Dinamika hori apurtzea garrantzitsua ez ezik, funtsezkoa ere bada. Futbolean, bizitzan bezala, une garrantzitsuenek ez dutelako itxaroten. Eta larunbat honetan, Lesakan, horietako bat izan daiteke.
Kirol erronkaz gain, partida heldutasun eta izaera proba bat da. Jokalariek maila ona erakutsi dute ikasturte osoan zehar, behar izan zenean altxatuz eta nortasunez lehiatuz. Egungo lidergoa iraunkortasunaren, talde-lanaren eta taldearekiko konfiantzaren emaitza da. Ilusioa osorik eta helburua eskura izanda, taldeak badaki ahalegin bakoitzak balio duela. Larunbat honetan hiru puntu baino askoz gehiago izango dira jokoan: berak egiten duenaren menpe jarraitzea eta denboraldi oso bateko ametsa bere eskuetan izatea.
Baloia 18:30ean hasiko da mugitzen, eta mailaz igotzeko bidea Mastegitik igaroko da larunbatean.
