Larunbat honetan, 12:00etan, Berion, gizonezkoen lehen taldeak egun berezia biziko du. Izan ere, badator da Gazteen Ohorezko Mailako azken jardunaldia, 2006an jaiotako jokalarien belaunaldiarentzako azken dantza, horietako askok urteak daramatzatelarik gure armarria harrotasunez defendatzen.
Izan ere, Gazpiok zuzentzen duen taldeak agur esango dio Logroñesen aurka, emozioz beteriko partida batean. Etxean hazi diren hainbat jokalari ez ezik, datorren denboraldian jarraituko ez duten talde teknikoko kideentzako agurra ere izango da. Zalantzarik gabe, oroitzapen, esker on eta hasiera berrien eguna izango da.
Denboraldia ez da erraza izan. Erronkaz betetako bidea ez zen beti amestuena izan. Hala ere, taldeak aurrea hartzen jakin du, behetik gora egiten eta, garrantzitsuena, ezarritako helburu nagusiak betetzen. Lanarekin, konpromisoarekin eta betiko espirituarekin, taldeak bere izaera erakutsi du premia handieneko uneetan. Horren adibide izan zen Logroñon jokatutako joaneko partida. Gureek 2-0koa irauli zuten markagailuan, Xabi Gomezek partidako azken jokaldian sartutako golari esker.
Beraz, larunbat honetan, arrastoa utzi duen belaunaldi bat agurtuko da. Eta, nola ez, asmoa da ahalik eta ondoen amaitzea: elkarrekin, lehian, eta kamiseta hau janzteak esan nahi duenaren azken lagin bat utzita. Berio ziklo baten amaieraren lekuko izango da, baina baita amets berrien hasieraren lekuko ere.
