Usurbil F.T. – Gorengoen Maila
Denboraldia bere unerik zirraragarrienera iritsi da Gurruk zuzentzen duen Antiguoko K.E.
Gorengoen Mailako taldearentzat. Larunbata honetan benetako partida jokatuko du Usurbil F.T.-
ren aurka, lehen postua jokoan dela. Bi taldeek denboraldi bikaina osatu dute, eta biak ala biak
mailako txapeldun izateko ilusioz iritsiko dira hitzordura. Talde urdin argiak urrezko amaiera eman
nahi dio futbol ikasturte bikain bati, denboraldi osoan egindako lana sarituz. Berdintasun eta
emozio handiko lehia espero da, txapelketako talderik erregularrenak izan direla erakutsi duten
bi talderen artean. Haranek giro aparta izango du aste luzez gorriz markatuta egon den hitzordu
berezi honetan. Geureek nortasunez lehiatu eta partida berezi batez gozatu nahi izango dute.
Partida larunbata honetan jokatuko da, 16:00etan, Harane futbol zelaian.
C.D. Hernani – Kadeteen Ohorezko Maila
Geure taldeak Kadete Ohorezko Mailako kopako hirugarren jardunaldia jokatuko du larunbata
honetan Hernani C.D.-ren zelaian. Talde urdin argia joan den astean lortutako garaipenaren
ondoren indartuta iritsiko da neurketara, eta lehiaketan erakutsitako sentsazio onekin jarraitu
nahi du. Taldeak fase honi amaiera txukuna eman nahi dio eta kopako finalera iristeko aukerei
bizirik eutsi. Garaipena lortuz gero, antiguotarrak sailkapen posible horretara gerturatzeko
aukeraren bat izan dezakete. Partida gogorra eta berdindua espero da, aurkari lehiakor baten
aurka eta beti zaila den zelai batean.
Partida larunbata honetan jokatuko da, 12:00etan, Zubipe futbol zelaian.
Aiztondo – Infantila futbola 11
Antiguoko K.E.-ko Infantila Futbola 11 taldeak txapeldunen faseko azkenaurreko jardunaldia
jokatuko du igande honetan Aiztondoren zelaian. Manexek zuzentzen duen taldeak sailkapeneko
bigarren postuan jarraitzen du, eta azken jardunaldiari begira dituen aukerak bizirik mantendu
nahi ditu. Talde urdin argiak denboraldi bikaina egiten jarraitzen du, eta azken txanpa erabakigarri
honetan maila gorenean lehiatzen segitu nahi du. Aurrean beti zaila den eta neurketan asko
exijitzeko gai den aurkaria izango dute.
Partida igande honetan jokatuko da, 17:30ean, Arratzain futbol zelaian.
