Garaipen garrantzitsuak jubenilentzat, Euskal Kadete eta Infantil Txikiarentzat. Bestetik, ezin izan zuten punturik batu Ohorezko Kadeteak eta Infantil Handiak. Liga erregularrak amaituta, Infantil Txikiak final handia izango du datorren astean eta Unai Gazpioren Jubenil Nazionalak Euskal Kopan bide luzea egiten ahaleginduko da.
JUBENIL NAZIONALA
Garaipen handi eta berezia Unai Gazpioren taldearentzat, denboraldia bosgarren postuan amaitzeko. Arratsalde polita bizi genuen Berion, non taldeak oso ongi lehiatu zuen joanekoan 4-1ekoagatik irabazi zion Barakaldoren aurka. Hasieratik lehiak erritmo bizia izan zuen, eta Mancik Errandoren jokaldi on bat baliatu zuen 1-0ekoa ezarri eta atsedenaldira horrela joateko.
Bigarren zatiak taldeak ezin hobeto eutsi zion errentari. Gainera, Mancik, 66.minutuan txilena baten bitartez 2-0koa jarri zuen markagailuan, Nabilen erdiraketa maisuki aprobetxatuz. Gol ikusgarria zalantzarik gabe. Handik aurrera, urdinek partida kontrolpean izan zuten, eta luzapenean Enaitzek buruz 3-0koa lortu zuen festari amaiera onena emateko. Esan bezala, denboraldi bikaina egin du gure bigarren taldeak eta Euskal Kopa jokatzeko aukera izango du datorren astean Lezaman.
EUSKAL JUBENILA
Txakarren taldeak garaipen batekin agur esan zion denboraldiari Urdaneta mendean hartu ostean. Lehen zatian nagusi izan zen talde urdina, eta Marc Gomezek 0-1ekoa jarri zuen, nahiz eta beste aukera asko izan antiguotarrek 45 minutuetan zehar. Bigarren zatian dinamika antzekoa zen arren, epaileak bi jokalari urdin kaleratu zituen minutu batean, ezer gertatzen ari ez zen lehia batean. Hala ere, taldeak jarrera bikainarekin jarraitu zuen, eta 0-2ekoa ipini ahal izan zuen markagailuan Barnetoren golarekin. Talde bilbotarrak 1-2koa sartzea lortu zuen baina antiguotarrak nahiz eta bi gutxiagorekin egon errentari heldutasun handiz eutsi zion. Bikain amaitu du hirugarren taldeak denboraldi zail eta luze hau. Atseden hartzera.
EUSKAL KADETEA
Etxekoek garaipena lortu zuten Santutxu F.C.ren aurka Berion jokatutako partidan. Lehia berdindua izan arren erabakita utzi zuten gureek bigarren zatian, baina orokorrean nagusi izan zen eta hiru puntuak merezi izan zituen 3-1eko aldeko emaitzarekin.
Partidari ondo ekin zion, 14. minuturako Anassek markagailuan aurretik jarri baitzuen talde urdina. Gureak argi eta garbi iristen ziren aurkariaren areara, baina hurbilketak ez zituzten aukera bihurtzen abantaila handitu ahal izateko eta atsedenaldiaren aurretik bizkaitarrek norgehiagoka berdintzea lortu zuten geldikako ekintza batean. Banako berdinketaren emaitza etxoletara joateko.
Garaipenaren bila irten ziren gureak bigarren zatian eta 49. minutuan berriro markagailuan aurretik jartzea lortu zuten. Oraingoan, golak Beñaten sinadura zeraman eta jarraian bigarrena lortu zituen markagailua ixteko eta hiru puntu berri lortzeko. Horrela, bigarren postuan jarraituko dugu, Athletic puntu bakarrera dugula. Bikaina mutilak.
OHOREZKO KADETEA
Ligako azken partida Rezola bezalako zelai berezi batean. Partida oso ondo hasi genuen, konbinazio onak eginez, barrutik erakarriz, kanpoan askatu eta hegaletatik min egiteko. Barkatu genuen alboko erdiraketa baten ostean partidako 5. minutuan , eta abisu argi hori etortzeke zegoen guztiaren aurrerapena besterik ez zen. Añorgak, ordea, estilo markatua eta landua zuenez, arrisku handia sortzen zigun baloiak geldirik eta hegaleko sakeekin. Partidako 10. minutuan, Oierren hegaleko konbinazio eta ekintza on baten ondoren, 0-1 jarri ginen markagailuan Joannesen golarekin.
Partida oso ondo bideratuta zegoen Añorgak, hegaleko sake baten aldaratze baten ondoren, minutu gutxira berdinketa lortzen zuen arte. Etxekoek pare bat ukitu egin zituzten presioan, eta 2-3koarekin estutasunean jarri gintuzten; izan ere, zelai erdia oso populatuta zuten, eta hegaletara zuzentzen gintuzten presio orientatuari ekiteko. Lehen zatia amaitu aurretik, Belokiren ekintza on baten ondoren, Oierrek ate hutsera errematatzea lortu zuen 1-2koa jartzeko. Atsedenaldira iritsi aurretik, hegaleko saketik gaizki defendatutako beste ekintza batek 2-2koa lortu zuen aldageletara joateko.
Bigarren zatian, gure staff-ak ukitu batzuk eman ondoren, partidara egokitu ginen eta min eman genien oso ondo armatutako talde bati. 10. minutuaren inguruan, aldeko penalti batek aprobetxatu ez genuen markagailuan aurrea har genezakeen. Partidak aurrera egin zuen pixkanaka eta partidako 77. minutuan, falta batek 3-2 porrotera kondenatu gintuen. Emaitza horrek 3. postura jaitsarazten gaitu, baina hori independienteki, honaino “nola” iritsi garen eta ez “zer” aintzat hartu behar dugu. Orain, merezitako atsedena aprobetxatzera.
INFANTIL HANDI
Porrota denboraldiko azken partidan Mikel Aranbururen taldearentzat. Egiari zor, lehia bizia eta ikusgarria ikusi genuen Berion. Lehen zati berdindua baina nagusitasun urdina, eta horren bitartez 1-0 aurretik jarri zen etxeko taldea Oihan Martinen golarekin. Bigarren zatian iritsi zen golen eromena: 1-1 53.minutuan, 2-1 57.minutuan Enekoren golarekin eta 2-2koa 67.minutuan Igeltegik. Berdinketarekin amaitzea espero zen, baina luzapenean kanpoko talde horitxoak epaiaren gola sartu eta 3 puntuak Loiolara eramatea lortu zuen. Denboraldi amaiera gogorra baina urtean zehar ikasitakoarekin gelditu behar gara, zalantzarik gabe.
INFANTIL TXIKI
Garaipena Uritzen taldearentzat La Sallen. Taldeak defensa lan sendoa egin zuen atea hutsean uzteko. Gainera, Izan eta Asierren golek atsedenaldira abantailarekin joateko balio izan zuten. Bigarren zatian Iraien bi golek lehia erabakita utzi zuten. Garrantzitsuena taldearen garaipenak finala jokatzeko balio izango diola da, BEASAINEN AURKA ANDOAINEN LARUNBATEAN 12:30ETAN JOKATUKO DEN NORGEHIAGOKAN. Ametsa lortzeko azken pausua.
