Urriko azken asteburuan, gizonezkoen taldeek lehia biziz eta aurkari zailez beteriko jardunaldia jokatuko dute. Jubenil Nazionaletik hasi eta Infantil Txikiraino, kategoria bakoitzak erronka garrantzitsu bati egin behar dio aurre, dela garaipen-boladei eusteko, dela emaitza negatiboekin mozteko, dela taulan posizioak eskalatzeko.
Jubenil Nazionala:
Unai Gazpioren taldeak Tolosari egingo dio bisita Berazubiko berdegunean. Etxeko taldeak aurkari zaila dela erakutsi du, etxean garaipen sendoak lortu baititu Alaves (5-1) eta Leioa (2-0) taldeen aurka. Gureak, une honetan liderrak, euren sasoi bikainaz baliatzen saiatuko dira batzen jarraitzeko eta taularen gailurrean finkatzeko.
Partida larunbatean 12.00etan Berazubi futbol zelaian (Tolosa).
Euskal Jubenila:
Garik eta bere jokalariek Leioa hartuko dute hiru porroteko bolada txarra eteteko partida garrantzitsuan. Euren joko onak lehenago edo beranduago fruituak emango dituelakoan, egoera iraultzea bilatuko dute, bi puntu gehiagorekin eta igoera postuetan sartzeko helburuarekin iristen den aurkari baten aurrean.
Partidua larunbatean 15:30etan Berioko instalazioetan.
Euskal kadetea:
Julenen taldeak erronka handia du, Zubietan jokatuko baitu Realaren aurka, sei garaipen eta berdinketa batekin iristen den aurkaria. Bi taldeen arteko bost puntuko aldearekin, bigarren urteko kadeteak borroka egiteko eta zergatik ez liderrari hiru puntuak kentzeko duen gaitasunean konfiantza du.
Partidua larunbatean 18:30etan Zubietako instalazioetan (Lasarte-Oria).
Ohorezko kadetea:
Iraolaren mutilek, hiru garaipen jarraian lortu ondoren, bolada onari eutsi nahi diote Tolosari bisita eginez Usabalekp zelai artifizialean. Etxeko taldearen hasiera gorabeheratsua izan arren, taldeak badaki maila honetako partida bakoitzak ahalik eta konpromiso handiena eskatzen duela eta, horregatik, ez dira fio eta dena emango dute une polit hau luzatzeko asmoz.
Partida larunbatean 12:00etan Usabal futbol zelaian (Tolosa).
Infantil Handi:
Uritzen taldea Matigoxotegira joango da Internacionali aurre egiteko, etxean galdu gabe jarraitzen duen aurkariari. Motibazioz eta ilusioz beterik, Infantil Handi txapelketaren hurrengo fasera hurbilduko lukeen garaipenaren bila lehiatuko da.
Larunbatean 14:15ean Matigoxotegi futbol zelaian (Donostia).
Infantil Txiki:
Felix Garinen porrotaren ondoren, Infantil Txiki taldeak akatsak zuzendu eta bere jokoa hobetzeko lan egin du. Pasaiaren aurka jokatuko dute Berion, bederatzi puntu berberekin denboraldi bikaina daraman eta partida irabazteko anbizioarekin datorren taldea.
Partida larunbatean 13:50ean Berioko instalazioetan.
