Asteburu bizia egitura maskulinoko talde guztientzat, Infantil Txiki izan ezik, honek atseden eguna izango baitu. Gainerakoek erronka berriei egin beharko diete aurre, horietako bi etxetik kanpo, zorrotza eta oso lehiakorra aurreikusten den jardunaldian.
GAZTE NAZIONALA – EIBAR
Erronka zaila Mardaren taldearentzat, Barakaldon porrot gogorra jaso ondoren. Aurrean Eibar izango dute, bigarren sailkatua (9 puntu lau jardunalditan) eta bloke sendoa. Etxean sentsazioak berreskuratzea eta garrantzi handiko aurkari baten aurka aurrerapausoa ematea tokatzen da.
Partidua larunbatean 15:30etan Berioko instalazioetan.
GETXO – EUSKAL JUBENILA
Julenen taldearentzat irteera garrantzitsua Getxo kostaldeko herri ederrera. Etxeko taldea oso indartsua izan da etxean, bi partidatan bi garaipen lortuta, eta bi irteeretan ordea kale egin du. Gureek, 5 punturekin, bi neurketak kanpoan berdindu egin dituzte eta bisitari bezala lehen garaipena bilatuko dute.
Partida larunbatean 18:30ean Bolue futbol zelaian.
EUSKAL KADETEA – GETXO
Iraolaren taldeak ere Getxoren aurka neurtuko ditu indarrak, nahiz eta etxean izango den kasu honetan.Denboraldi hasiera ona, batez ere etxean, bertan jokatutako bi partidak irabazi baitira. Aurkaria zorrotza izango da, baina gogo handia dago maila ona erakusten jarraitzeko eta dinamika onarekin jarraitzeko.
Partidua larunbatean 12:00etan Berioko instalazioetan.
KOSTKAS – OHOREZKO KADETEA
Gazpioren taldeak Matigoxotegi bisitatuko du hasiera ezin hobearen ondoren: hiru garaipen hiru jardunalditan. Aurrean Kostkas izango du, oraindik irabazi ez duena (berdinketa bat eta bi porrot), baina kontuan hartu beharreko aurkaria izango dena. Bolada onarekin eta lan sendoarekin jarraitzera.
Partida igandean 12:00etan Matigoxotegi futbol zelaian.
INFANTIL HANDI – INTXAURRONDO
Bigarren partida jarraian etxean Beldaren taldearentzat. Taldeak ondo lan egiten jarraitzen du eta kontzeptuak sendotzen jarraitu nahi du. Aste honetan Intxaurrondo hartuko du mendean, denboraldiko lehen puntuak lortu nahian. Hazten jarraitzeko partida ezin hobea.
Partidua larunbatean 10:30etan Berioko instalazioetan.
