Asteburu honetan argiak piztu eta denboraldia martxan jarriko da Antiguoko Kirol Elkarteko hiru taldearentzat: Jubenil B, Jubenil C eta A kadetea. Ilusioz gainezka eta partida bakoitzean onena emateko konpromisoarekin, mutilak prest daude erronka bezain zirraragarria izango den ligari aurre egiteko.
Jubenil Nazionala
Unai Gazpiok zuzentzen du taldea bigarren urtez jarraian, eta ilusioz beteriko denboraldiaurrea du atzean. Jokalariek badakite lehiatzen diren maila zorrotza eta aukeraz betea dela. Bere lehen erronka Cultural de Durangoren aurka izango da, Ohorezko Mailatik jaitsi berria den altuerako aurkaria. Larunbatean, 17:00etan, Berion, hasierako txistuak markatuko du kanpaina baten hasiera, eta helburua iazko denboraldiko arrakastak errepikatzea izango da, eta, zergatik ez, baita gainditzea ere.
Euskal Jubenila
2008ko belaunaldia, Gari eta Mikelen zuzendaritzapean, jokalari bakoitzaren onena eskatzen duen mailan debuta egiteko prestatzen ari da. Denboraldiaurrea funtsezkoa izan da minutuak banatzeko, kontzeptuak barneratzeko eta lehen partidatik islatu nahi duten joko estiloa finkatzeko. Hondarribiako kostaldeko herri ederrean izango da debuta, larunbatean, 17:00etan. Taldea prest dago bere balioa erakusteko eta maila gorenean lehiatzeko.
Euskal Kadetea
Julen Gonzalez entrenatzaile berriarekin, Euskal Kadete Mailako jokalariek abentura zirraragarria biziko dute ligan. Detaileak findu eta sendotasuna irabaztera bideratutako denboraldiaurre baten ondoren, taldea lan zorrotz eta lehia gogorrerako prest dago. Bere lehen norgehiagoka igandean izango da, 17:00etan, Berion, Kostkasen aurka. Denon artean bilatuko dugu ondo hastea emozio indartsuak eta erronka handiak agintzen dituen liga batean.
Denboraldia edo bide luze hau batasun, grina eta erabakitasunez egiteko asmo sendoarekin hasiko dugu. Urtero bezala, gorabeheraz betetako denboraldi bat dugu zain, baina edozein erronkatarako eta bidea harrotasunez egiteko prest gaudela erakusteko izaera eduki behar dugu. Gora Antiguoko!
