Larunbat honetan, 17:30ean, gizonezkoen lehen taldeak Getxoko Arenas hartuko du Berion, Gazteen Ohorezko Mailan sailkapenaren behealdetik ateratzeko borrokan ari diren bi taldeentzat erabakigarria den partidan. Iñigo Mendiak zuzentzen duen taldea 7 punturekin iritsiko da neurketara, baina bolada zaila bizi du, hiru porrot jarraian jaso baititu. Emaitza horiek gorabehera, teknikariek eta jokalariek espero dute, oraindik ere, eguneroko lanak lehenago edo geroago fruituak emango dituela. Taldearen sentsazioak positiboak dira, baina zortea ez da alde izan azken neurketetan, non xehetasun puntualek aldea markatu duten.
Larunbateko partida urrezko aukera izango da Antiguokorentzat egoera iraultzeko. Etxean jokatzea, Berioko zaleek babestuta, funtsezko faktorea izango da, eta jokalariek badakite garrantzitsua dela hiru puntu lortzea jaitsiera postuetatik aldentzeko.
Getxoko Arenasek ere puntuak behar ditu. Bere baitan 5 bakarrik dituela, Getxoko taldea jaitsiera postuetan dago, nahiz eta bere partida askotan maila onean lehiatzen dela erakutsi duen. Puntu gehiago lortzerik izan ez duten arren, Getxokoek ez diete erraztasunik emango urdinei, eta Beriora egindako bisitatik zerbait positiboa eraman nahi izango dute taularen hondotik ateratzeko. Bisitariek badakite etxetik kanpo puntuak lortzea erabakigarria izan daitekeela jaitsiera saihesteko borrokan, eta larunbateko partida maila handiko proba izango da haientzat.
Bolada negatiboa apurtzea inflexio-puntua izan liteke denboraldian, eta sailkapenean gora egiten hastea. Taldeak benetan ondo lan egin du astean zehar, eta ahalegin hori jokalekuan islatuko dela espero du. Gainera, taldeak zaleen babesa izango du Berion, eta hori ezinbestekoa izango da geureak bolada txarra eten ahal izateko garaipen baterantz bultzatzeko. Klubak espero du zelaian giro bizia izatea eta jokalariek harmailetatik bavesa sentitzea.
Dena prest dago bi taldeek jokoan hiru puntu baino askoz gehiago duten partidarako. Konfiantzatik eta batasunetik abiatuta, lehia hau dinamika positibo berri baten hasiera izan daiteke. Aireratzeko unea!
