Ez zen asterik onena izan emaitzei dagokienez, hiru gazteetako inork ezin izan baitzuen garaipena lortu, Kadete A taldearen porrotaz eta Infantil Txikiren berdinketaz gain. Txanponaren beste aldea Ohorezko Kadeteak eta Infantil Handiak bizi zuten, bi garaipen sendo eta landuekin.
NAZIONAL JUBENILA 2 – 2 GETXO C.D.
Bigarren taldearen partida txarra, inoiz eroso egon ez zen partida batean. Hasieran urdin kolorekoa zirudien nagusitasunak, baina Bizkaiko taldeak izan zuen lehen abagunean 0-1ekoa jarri zuen burukada bikain batekin. Hala ere, Aitor Olasagastiren gol batekin, geldikako ekintza batean, berdinketa markagailura itzultzen zen, 1-1ekoarekin etxoletara joanez. Lehen zati laua gureen partetik.
Bigarren zatian jarrera bestelakoa izan zen baina bisitarien defentsako lan bikainak ez zuen nagusitasun argirik ahalbidetu eta trantsizio arriskutsuen bidez gure defentsa mehatxatzea lortu zuten. Gainera, 10 minuturen faltan, gureen gaizki ulertu batean, 1-2koa jarri zuen talde getxotarrak. Hala ere, esaerak dioen eran, buztaneraino dena da zezena, eta bisitarien atzealdearen joko zuzenaren akats batek atezainaren aurrean bakarrik egoteko aukera eman zion Lucasi, bukaerako 2-2koa baselina on batekin jarri zuelarik aurrelari brasildarrak. Azkenean, berdinketak zapore gazi-gozoa utzi zien bi taldeei.
INDAUTXU S.D. 5 – 2 EUSKAL LIGAKO JUBENILA
Iparraldeko zelaian porrota txakarrentzat hasieratik maldan gora jarri zen topaketan. Aitor Gomezek zuzentzen duen taldearen hasierako nagusitasuna erabatekoa izan zen, eta ondorioz 3-0eko emaitza oso ona lortu zuten. Hortik aurrera hasi ziren gureak jokalekuan lur hartzen eta dakiten bezala lehiatzen. Erreakzioari esker, Indar bi jokaldi amaitzeko eta 3-2koa jartzeko gai izan zen, etxeko taldean zalantzak sortuz. Hala ere, falta baten aldaratze bati esker, talde bilbotarrak 4-2koa jarri zuen une erabakigarrian, aldageletara gindoazelako horrela. Bigarren zatian ez zen markagailua iraultzeko aukerarik izan eta etxeko taldeak sendotasunez eta fidagarritasunez erakutsi zuen denboraldian zehar emandako maila, 5-2koa ere sartuz gainera. Lanean jarraitzera eta Rezolara egokitzen zaigun irteera zailean pentsatzera.
EUSKAL KADETEA 0 – 2 DEPORTIVO ALAVES
0-2 galdu zuen gure 2008ko kadeteak Deportivo Alaves SAD taldearen aurka ligako hogeita zazpigarren jardunaldian. Talde babazorroa nagusi izan zen orokorrean eta, ondorioz, merezitako garaipena lortu zuten Gasteizen. Lehen zatian, hurbilketak txandakatuz joan ziren bi areatan, nagusitasun argirik gabe, baina bisitariak izan ziren gola egiteko urdinek baino aukera gehiago izan zituztenak. Egia da aukera onen bat izan genuela markagailuan aurrea hartzeko, baina gasteiztarren defentsako lerroak partida bikaina egin zuen. Geldikako ekintzek eta egoera abantailatsuek eragin zuten lehen gola, eta 0-1ekoa jarri zuten markagailuan 36. minutuan, atsedenaldira iritsi aurretik.
Ur hotzeko pitxerra atsedenaldiaren aurretik, eta beste pitxer bat berehala, gloriosok bere abantaila handitu zuenean korner batean, gauzak oso maldan gora jarriz gureentzat, seriotasun handiz ez baitzioten inoiz partiduari aurpegirik galdu. Nahi baina ezin izan zen, eta Leioaren aurkako hurrengo partida bigarren postu handi eta preziatu bat defendatzeko aukera berri gisa ikusi beharra dago. Aurrera.
OHOREZKO KADETEA +5 – 0 OIARTZUN K.E.
Denboraldi amaierarantz abiatu garen honetan, taldeek puntuak jokatzen hasiak dira balizko igoera eta jaitsierei begira eta horietako bat Oiartzun da, bolada bikainarekin, non azkenaldian urtarrilean, Realaren aurka, bakarrik galdu zuten. Partida modurik onenean hasi genuen, Xabik 2. minutuan area barruan aldaratze bat erasotu ondoren sartutako golarekin.
1-4-2-3-1 sistemarekin presionatzen zuten, zelaiaren erdia itxiz eta 1 eta 1 parekatuz, eta egoera hori zaildu egiten zitzaigun azken partidetan. Hala ere, proposatzen zizkiguten zailtasun guztiak konpontzeko gai izan ginen, bai irteeran, bai sorgunean. Gure zentralekin hasten saiatu ginen, eta alboetako batek baloia jasotzen zuenean, karrilek altuera jeisten zuen, profil onarekin, pasea kanpotik barrura sartu ahal izateko, eta hirugarren gizon batekin aurrera egin ahal izateko. Ekin eta ekin jarraitu genuen atsedenaldira 3-0eko emaitzarekin joan arte, urdinennagusitasun argiarekin.
Bigarren zatian, staff-etik mezua argia zen, gose berarekin jarraitzearena. Hala izan zen gainera. Kanpoko taldeak formazioa aldatzea erabaki zuen, atzeko bat kenduz erdian sartzeko, baina baloi asko iragazten jarraitzea lortu genuen, aurrera egiteko euskarri askorekin, eta gizona etengabe libre aurkitzeko gai ginen. Azkenean, partida 7-0 batekin amaitu zen, gureek egindako partida bikaina islatzen duena. Taldea gose da bigarren postua bilatzeko.
TOURING C.D. 0 – 4 INFANTIL HANDI
Mikelen taldea motibatuta eta indartsu sartu zen berdegunera, eta horren ondorioz lehen zatiko nagusitasuna urdina izan zen. 7. minuturako Azkarragak taldea aurreratu zuen, baina mirariz emaitza horri eutsi zitzaion Touringek aukera oso argia izan baitzuen. Barkatzen duenak ordaindu egiten du ordea eta Azkarragak beste aukera bat aprobetxatu zuen 22. minutuan 0-2koa sartzeko. Oihan Martinek azken minutuan sartutako golari esker bukatu zen lehen zati bikaina. Bigarren zatian taldeak ez zuen instentsitatea jaitsi eta txalotzekoa da bi taldeek dena ematea baldintza meteorologikoengatik oso mesedegarria ez zen testuinguru batean (13:30ean jokatu zen, gainera). Gainera, 0-4rako beste gol bat sartzeko gai izan ginen. Lan ona, mutilak.
INFANTIL TXIKI 3 – 3 ARRUPE CHAMINADE C.D.D.F.
Alternatiba anitzeko partidua, denetarik gertatu zen lehia batean. Talde bisitariak aurrea hartu zuen falta baten aldaratzearen ondoren. Hala ere, 2-3 minutura erreakzionatu zuen Uritzen taldeak berdinketaren gola sartzeko. Kanpoko taldea aurretik jarri zen berriro 25. minutuan sartutako golari esker 1-2koarekin etxoletara joateko.
Bigarren zatian talde urdina jokalari bat gehiagorekin jokatu zuen aurkari baten kanporaketaren ondorioz, baina, egia esan, kosta egin zen jokaldiak harilkatzea eta arriskua sortzea. Hala ere, 43. minutuan lehia bina berdintzea lortu genuen. Baina, bat gutxiagorekin egon arren, bisitariak izan ziren berriro aurrea hartu zutenak. Hala ere, pozak gutxi iraun zuen, 15 minuturen faltan hirugarren aldiz berdintzea lortu baikenuen. Garaipena Berion gera zitekeela zirudien, baina penalty bat huts egin genuen partiduan ikusitakoari justizia egiten dion berdinketa batekin alde egiteko.
